|
دمع العين
ادمعت عيني وبدمع عيني كتبت قصيده
اشكي فيها همي وهم حبيب كنت بين ايده
البعد صعب والفرقى صعيبه
وين كلن يلقى حبيب مثل حبيبه
ينسيه همه ومن جرحه يطيبه
يسقيه من حنانه ويطفي ناره ولهيبه
صحيح انت بديره وانا بديره
والحب اللي بيننا محد يقدر يبيده
ابيك يمي واحتاجك كل دقيقه
وكل اللي يواجهنا بينحل بأي طريقه
احبك انا بالحيل صدقني هذي الحقيقه
انتظرك نهار وليل ولقاك كل اللي اريده
تعال وامحي دمع العين دخيلك جرحي لا تزيده
نسيني العذاب والويل وابعدني عن الحياه
الكئيبه
-------------------------------------------------
عيونك
عيونك حركت كل مافيني من احاسيس
اهتز القلب وبإسمك صار ينادي
ودي القى منك همسه او اي تعبير
توصف معاني الإعجاب بإحساسي
فين اشوفك ولا متى الاقيك
يوم زولك يناي اشواقي
ياترى البدايا اعجاب والحب تاليه
ولا قلبك راح يكون معي اناني
-------------------------------------------------
حاير
قلبي حاير من حبك وسط الحشايا
يتبع دقات قلبه وخفوقه ولا مايتبعه
ملكت الدنيا وانت ضياها
سكنت الروح ولبلاوي انت سبه
تغيب عني ويغيب القمر من سمايا
وين القاك دام غيابك للقلب عله
اخترتك من بين كل الملايا
نصفي الثاني وبيدك حياتي رهينه
احبك قلتها هذا اقل اللي معايا
اهديه لك ياأجمل وأروع حكايه
من عرفتك وانت كل منايا
ابيك يمي لأحبك...واحبك..حتى النهايه
-------------------------------------------------
كافي يانيا
كافي يانيا لا تزيدي العذاب فيني
طويتي حياتي واحرقتي مابقى من سنيني
كل ماشفيت من جرح عودتي تجرحيني
سقيتيني الهم لين صار يسري في شرايني
حالي تبدل حالي بالحيل مشقيني
ليه يادنيا من فرحي حرمتيني
محد بعذابي اهتم ومحد حاس فيني
الناس ماتبي تفهم حتى نفسي تجافيني
الموت لي ارحم ماعاد شي يبقيني
جرحي ابد ماالتم والحزن دوم مخاويني
-------------------------------------------------
صمت وسكون
ابتديت وياك في صمت سكون
معاك الحب تبادلته بنظرات العيون
عشت ايامي في احلام وشجون
تمنيت يجمعنا القدر ولبعضنا نكون
حبك ملكني قلبك صادق حنون
جمالك اسرني صوتك سحرني وافتني يافتون
حتى دلالك وهمسه شفاتك والعيون
سبحانه ابدع صفاتك وميزك من بين كل مزيون
تاخذين العقل تامري علي وتمون
فديتك حياتي فديتك قلب للمحبه يصون
وان قسا علي زماني محال حبك يهون
باقي على عهد الوفا حذاري تخدعك الظنون
-------------------------------------------------
دنيتي ياناس
دنيتي ياناس واللهه غريبه
كل يوم لي فيها الف قصة
مرة قلبي يتألم من فرقى خله وينوح
ومره اسهر لين يختفي القمر وتبدأ لي قصه ممله
اكتم الاهات ومابقى فيني روح
كل مامرت دقيقه صابتني فيها عله
راعي الهوى علمني وين اروح
حارت النفس والروح مابقى فيها ماتهمه
العفو منك حبيبي والسموح
مكتوب لي العذاب ومكتوب لي اضمه
لاهي بعذابي وكثر الجروح
كني يتيم فاقد في حياته امه
نار الهم بهذلتني خلتني طروح
ملازم الأهات حتى الهوى ماتبيني اشمه
فاقد حبيبي فاقد الفرح وكل الطموح
فاقد حياتي وكل شي تمنيت اني احبه
سبحانه ربي قادر على كل الجروح
قادر يرحمني في دنيتي ويحفظني بعطفه
-------------------------------------------------
القرار
لا تلومني ياخلي ولا تحسب اني للفرقى نويت
هاك الوقت اعرف احساسك وبكل صدق لي اظهره
العمر لحظه وقرارك بين يديك
شاور فؤادك وبمحبتي لا تغصبه
وان كان لي من حبك نصيب
هاك قلبي حلالك تربع فيه واملكه
انا كلي لك ودابيم الدوم مغليك
ابيع روحي ولأجل عينك كل غالي اخسره
الشبكة ليست
مسئولة عن اي اخطاء املائية
| 
