قال ابو لوزه اول من يدي كف  بالخـد ~~~~ با الطم العلفي الكذاب اسـاس  المكيـده

ذي خرج حي من قبره يهلـل  وشهـد ~~~~ بعد ما قد بكاه ابنـه وناسـع  جعيـده

جل من يبعث الاموات من لحـد ملحـد ~~~~ بعد عامين له ميـت عظامـه  خميـده

كنت اظن قد قضى نحبه وربـه تغمـد ~~~~ روح من مات ظمن ارواح باتت فقيـده

ما دريـت ان عبـدالله بغرفـه مرقـد ~~~~ وانتبه بعد من نومـه وذهنـه شريـده

لاجزي خير اهدى لي عجينـه  مرمـد ~~~~ لااعتناً في طباختهـا ولا فـي كريـده

كدها لي عجل واسرع بها قبـل تخمـد ~~~~ انما باتقبـل كلمـا جـاء مـن  ايـده

قابل البدع ذي جاني وبايسمـع  الـرد ~~~~ رد من حيث انا مش رد من ذي  يريده

مـا تهـاون ولا اتاخـر ولا باتـردد ~~~~ ما معي باارسله له سعف ساعي  بريده

مستعد ادبه لو فات زايـد علـى الحـد ~~~~ واللسان الطويله ذي بتقصـر  وزيـده

قتل ما بقتله ماهـو صبيـري ولا نـ ~~~~ دبالشجاعـه ولا انـا بالفسالـه  نديـده

قل لبو قيس ياحامـل جوابـي  تـرود ~~~~ وينك اليوم من حاشـد وحاشـد بعيـده

لاتقل حاشـدي وانتـه بنعـوه  مولـد ~~~~ اعرف الاب مولى المسبحه  والكشيـده

بايدلونك اخوالـك عـن الاب  والجـد ~~~~ ذي تبنوك بعده وانت مضغـه  وليـده

والعميد استحتة بايسمعـوك آل  مزيـد ~~~~ منت مسؤل ابو لوزه ولاانتـه عميـده

ماسمعنا فقيـه انـه حكـم او  تمسيـد ~~~~ مهنته يقـراء المولـد باجـره زهيـده

ابق في موقعك راهب كنيسـه  بمعبـد ~~~~ والملف ما معك في طيه اشياء  مفيـده

كذب في كذب ما عندك شهـاده معمـد ~~~~ شلتك نود يابـو قيـس غبـرا نويـده

لفق اشياء وبع هدره على ناس  عربـد ~~~~ يسمعك ذي في القاعه وذي راس  حيده

واصل الشعوذه واتعش بالكـذب وتغـد ~~~~ لو امامك قضاء حاسم دعامـه  اكيـده

كان مفروض مثلك شاهد الزور  يجلـد ~~~~ ما جزاء الكاذب المتشعـوذ الا  جليـده

انما العافيه قد ني علـى شامـخ انجـد ~~~~ ما على العلفي الا يعرف انـي عقيـده

كان لا زال تحت الامر جنـدي مجنـد ~~~~ ذي له ابذلت سابق بالجهـود  الجهيـده

سيت له في جعار ابين منصه  ومشهـد ~~~~ حين جاء حالته ترحـم بحالـه  لديـده

مسـرع الان عبـدالله علينـا تـمـرد ~~~~ انكر الجمل والمعروف ذي من عهيـده

العهيـد الـذي سهـل طريقـه ومهـد ~~~~ واكتفل في اسر مثلـه بتقبـل  شريـده

هكذا طبع ابو وجهيين من حيث  نعهـد ~~~~ حسب قول المثل غير ذبابـي عصيـده

ما لبوقيـس بالجـوده ولاهـو معـود ~~~~ هو انا ذي بـدوري اعتقـه او  ابيـده

حسبك الله يا رامي رصاصـك مـردد ~~~~ من تحارب بها في حرب حامي وقيـده

ايش في جعبتك خابي لشايـف  محمـد ~~~~ ماالخبر ذي تبا نشره بأشهـر جريـده

مت بغيضك وراسك لو تألـف  مجلـدما معك فرد يشهد لـك شهـاده اكيـده

قلت لك قبل يا مداح من حولـي احتـد ~~~~ امسك الطار والفلاح يلحـق  ضميـده

ما بكذبك تصل لا حيث بتروم تصعـد ~~~~ باتهستـر وباتمسـي عيونـك  قهيـده

ايش خلاك باتسهـر منامـك  وتقهـد ~~~~ ما تحطم ثمر يـاذي تحـاول  رميـده

حن لا داخلك مقهـور وانـت  المقلـد ~~~~ دق من باطلي صـدرك ورج الكبيـده

وي مهـزوم مثلـك حـن والا  تنهـد ~~~~ لا يخلـي عبـاد الله تسمـع  نهـيـده

ذا حديث اولي موضوع لك خاف  مفرد ~~~~ والصديق الذي لي به علاقـه  وطيـده

بايصل بالسلامه رافع الـراس  مشتـد ~~~~ ما نسينا رجال ابطـال مثلـه وجيـده

بحسب ان عاد له في مجلس الامن مقعد ~~~~ مجلس الامن ذاتـه مستعـد ان يعيـده

منتظر عودته في وقت اقـرب  محـدد ~~~~ وآخر اخبار جابت لك روائح  صديـده

ما سمعنا عن الجفري ولا مـن  تنشـد ~~~~ عن مغادر خرج ظمن الجموع العديـده

انما قـد يكـن مـر الطريـق المعبـد ~~~~ واهل بيت الامامه في عزبهـا هميـده

ايش من بيت ذي بتقـول بابـه  مبنـد ~~~~ والجراثيم تلعـب داخلـه هيـد  هيـده

عادها وارده من حيث ما السيـل  ورد ~~~~ لا تفكر بذه سـارح واخـرى طريـده

واغلب الربع لا زالت حقوقـه  مجمـد ~~~~ كن على علم من لـه حـق بايستعيـده

بانتظار المطر يمطر متى حن وارعـد ~~~~ موسم الصيف ذي ما تسمع الا رعيـده

والفرج بايجي ذي قلت لي عاده  ابعـد ~~~~ لا تزايد ولا تفرق عتق مـن صعيـده

اعلـم انـك امامـي باتضلـي مهـدد ~~~~ قلعتك خير من طول الحيـاه  المديـده

قد كشفتك تركتك شبه عـاري مجـرد ~~~~ ما لهجواك من يدعم ولا مـن  يشيـده

شف امامك لهب مكريب نـاره  توقـد ~~~~ من حما الخالدي فك الطويـق البريـده

واعرف اني سند شعب اليمن ذي  توحد ~~~~ يشهد الله لبو لـوزه ويشهـد رصيـده

والذي صاد صيدك او باسمك  تصيـد ~~~~ تستحق ما حضرت الخير موسم حصيده

وقت كلاً مـلا جيبـه وكـلاً  تـزود ~~~~ صادها ذي حضر روٌح غنيمه  وفيـده

ختمها بالنبـي تـم الجـواب  المسـدد ~~~~ من خشع خاطره يذكر حبيبـه وسيـده